India-Argentina : अर्जेंटिनाने मेड इन इंडिया तेजस फायटर विमान खरेदी करण्यास तयारी दर्शवली आहे. अर्जेंटिनाआधी या विमानाबाबत बलाढ्य देश असलेल्या अमेरिकेनेदेखील रस दाखवला आहे. याशिवाय ऑस्ट्रेलिया, इंडोनेशिया आणि फिलीपिन्ससह 6 देशांनी भारताच्या हलक्या लढाऊ विमान तेजसमध्ये स्वारस्य दाखवले आहे. तर मलेशिया हे विमान खरेदी करण्याची तयारी करत आहे. भारताचे परराष्ट्रमंत्री डॉ. एस. जयशंकर यांचा नुकताच अर्जेंटिना दौरा पूर्ण झाला आहे. या दौऱ्यामध्ये अनेक गोष्टींबाबत सखोल चर्चा करण्यात आली.
या दौऱ्यामध्ये अर्जेंटीना आणि भारतीय नेत्यामध्ये संरक्षण, अंतराळ आणि आण्विक समस्या, कृषी आणि पशुपालन व्यापार आणि गुंतवणूक यासह धोरणात्मक क्षेत्रांचा व्यापक आढावा घेण्यात आला. जयशंकर म्हणाले की, अर्जेंटिनाच्या राष्ट्रपतींनी द्विपक्षीय सहकार्य मजबूत करण्यावर चर्चा केली, ज्यात व्यापार पातळी अधिक शाश्वत आणि महत्त्वाकांक्षी बनवण्याबाबत चर्चा झाली. त्यांनी ऊर्जा आणि अन्न सुरक्षा या विषयांवरही विचार विनिमय केला. यावेळी फार्मास्युटिकल्ससह परवडणाऱ्या आरोग्यसेवेचे महत्त्व अधोरेखित करण्यात आल्याचे जयशंकर म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.