Sambit-Patra Sakal
देश

काँग्रेसने देशाची माफी मागावी; भाजपची मागणी

२००८च्या मालेगाव बॉम्बस्फोटप्रकरणी एका साक्षीदाराच्या कबुली जबाबाने भाजपने काँग्रेसवर टीका केली आहे.

सकाळ वृत्तसेवा

नवी दिल्ली : २००८च्या मालेगाव बॉम्बस्फोटप्रकरणी एका साक्षीदाराच्या कबुली जबाबाने भाजपने काँग्रेसवर (BJP And Congress) टीका केली आहे. काँग्रेसने देशाची माफी मागावी, अशी मागणी भाजप आणि संघ परिवाराने आज केली. या प्रकरणात मुख्यमंत्री योगी आदित्यनाथ (Yogi Adityanath) यांना गोवण्याचे कारस्थान काँग्रेसच्या काळात रचले गेले, असा आरोप भाजपने केला.

मालेगाव स्फोटांबाबत (Malegaon Blast) जबाब नोंदवण्यात आलेल्या २२० पैकी १५ साक्षीदार उलटले आहेत. त्यातील एका जणाच्या ताज्या जबाबानंतर संघ आणि भाजपने काँग्रेसवर निशाणा साधला आहे. या प्रकरणात खासदार प्रज्ञासिंह ठाकुर, लेफ्टनंट कर्नल प्रसाद पुरोहित, सुधाकर द्विवेदी, मेजर रमेश उपाध्याय (निवृत्त), अजय रहीरकर, सुधाकर द्विवेदी, सुधाकर चतुर्वेदी व समीर कुलकर्णी आरोपी आहेत हे सध्या जामिनावर सुटले आहेत.

भाजप प्रवक्ते संबित पात्रा यांनी राहुल गांधी यांच्यावर विभाजनकारी राजकारण केल्याचा आरोप केला. पात्रा म्हणाले की काँग्रेसच्या मनात 'भगव्या'विषयी कायमच द्वेषाची भावना असते हे लपून राहिलेले नाही. भगवा रंग जेथे जेथे दिसेल तेथे तेथे त्याची बदनामी करण्यासाठी काँग्रेस कोणत्याही थराला जाऊ शकते हे मालेगाव प्रकरणातील कबुली जवाबाने समोर आले आहे. मालेगाव स्फोटातील एका प्रत्यक्षदर्शी साक्षीदारांने राष्ट्रीय तपास संस्थेला दिलेल्या माहितीनुसार, या प्रकरणात योगी आदित्यनाथ आणि संघ तसेच भाजपच्या नेत्यांना अडकवण्याचे कारस्थान करण्यात आले होते.

इंद्रेशकुमार यांची काँग्रेसवर टीका

राष्ट्रीय स्वयंसेवक संघाचे नेते, मुस्लिम राष्ट्रीय मंचाचे प्रमुख इंद्रेश कुमार यांनी, भगवा दहशतवाद हा यूपीए सरकारच्या काळात प्रचलित झालेला शब्द संघ आणि भाजपच्या कार्यकर्त्यांना आणि नेत्यांना बदनाम करण्यासाठी आणि त्यांचा छळ करण्यासाठी वापरण्यात आला, असा आरोप केला. तत्कालिन पंतप्रधान मनमोहन सिंग आणि सोनिया गांधी यांच्यासह पी. चिदंबरम, राहुल गांधी, प्रियंका गांधी, दिग्विजय सिंह, सलमान खुर्शीद यांनी माफी मागावी. हे सर्व हिंदू समाजाचे दोषी आहेत. संघाच्या आणि भाजपला बदनाम करण्याच्या राजकारणातील ते सहभागी आहेत, असेही ते म्हणाले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Khadakwasla Dam: 1961 चा महापूर… पण खडकवासला धरण वाचलं कसं? अज्ञात इतिहास वाचा

Asia Cup 2025 Explainer : श्रेयस अय्यरने आणखी काय करायला हवं? आगरकर म्हणाला, ना त्याची चूक, ना आमची...; मग दोष कुणाचा?

सायलीला आठवणार तिचा भुतकाळ! अर्जुनच्या बालपणींच्या आठवणीमुळे सायलीची स्मृती परत येणार? ठरलं तर मग मालिकेत नवा ट्विस्ट

Ration Card : रेशनकार्डमधून १.१७ कोटी लोकांची नावे वगळणार, केंद्राने राज्यांना पाठवली यादी; तुमचं नाव तर नाही ना ?

Pune Traffic : सिंहगड रस्तावासीयांना पुन्हा मनस्ताप; पाऊस, प्रशासनाच्या नियोजन शून्य कारभारामुळे वाहतूक कोंडी

SCROLL FOR NEXT