Saraswati Devi Sakal
देश

Ayodhya Ram Mandir : राममंदिरासाठी सरस्वती देवींनी तब्बल ३२ वर्षे मौनव्रत केले धारण

झारखंडमधील धनबाद येथील सरस्वती देवी या २२ जानेवारीला तब्बल ३२ वर्षांनी त्यांचे मौनव्रत सोडणार आहेत.

पीटीआय

धनबाद (झारखंड) - झारखंडमधील धनबाद येथील सरस्वती देवी या २२ जानेवारीला तब्बल ३२ वर्षांनी त्यांचे मौनव्रत सोडणार आहेत. अयोध्येमध्ये सहा डिसेंबर १९९२ रोजी बाबरी मशीद पाडल्यानंतर सरस्वती देवी यांनी मौनव्रत धारण केले होते.

रामजन्मभूमीवर राममंदिर उभे राहिल्याशिवाय मौनव्रत सोडणार नाही असा संकल्प सरस्वती देवी यांनी केला होता. त्यांच्या या अनोख्या व्रतामुळे त्या अयोध्येत ‘मौनी माता’ या नावाने ओळखल्या जाऊ लागल्या.

सरस्वती देवी या त्यांच्या कुटुंबीयांशी सांकेतिक भाषेतच बोलत असत. त्या दररोज संध्याकाळी तासाभरासाठी त्यांचे मौन सोडून संवाद साधत असत. दरम्यान, अयोध्येमध्ये २०२० मध्ये राममंदिराच्या पायाभरणीचा समारंभ झाल्यानंतर त्यांनी संध्याकाळी तासभर संवाद साधणेही बंद केले आहे.

राम जन्मभूमी आंदोलनातील प्रमुख संत महंत नृत्यगोपाल दास यांच्या शिष्यांच्या वतीने सरस्वती देवी यांना अयोध्येतील कार्यक्रमाचे निमंत्रण देण्यात आले आहे. सरस्वती देवी या अयोध्येत दाखल झाल्या असून २२ तारखेला प्राणप्रतिष्ठा सोहळ्यानंतर त्या त्यांचे मौनव्रत सोडणार आहेत.

रामभक्तीसाठी आयुष्य समर्पित

मौनी माता यांच्या पतीचे १९८६मध्ये निधन झाल्यानंतर त्यांनी त्यांचे सर्व आयुष्य रामभक्तीसाठी समर्पित केले. चार मुली आणि चार मुलगे असलेल्या मौनी माता या त्यांच्या पतीच्या निधनानंतर अधिककाळा तीर्थाटनामध्येच व्यतीत करतात, असे त्यांच्या कुटुंबीयांनी सांगितले. त्याचप्रमाणे त्यांनी २००१मध्ये चित्रकूटमध्ये सात महिन्यांचे अनुष्ठान केले आहे.

सरस्वती देवी या रोज पहाटे चार वाजता उठून सहा ते सात तास ध्यान करतात, त्याचप्रमाणे त्या दररोज सायंआरती नंतर रामायण आणि गीता यांसह विविध धार्मिक ग्रंथांचे अध्ययन करतात. त्या दिवसातून एकदाच भोजन करतात असे त्यांच्या कुटुंबीयांनी सांगितले.

त्या आमच्याशी सांकेतिक भाषेत हातवारे करूनच बोलतात. बहुतांशवेळा त्या काय म्हणतात हे आम्हाला समजते. परंतु, त्या बरेचवेळा कागदावरती काही गुंतागुंतीची वाक्ये लिहितात त्याचा अर्थ मात्र आम्हाला लागत नाही.

- इनू अग्रवाल, सरस्वती देवी यांची सून

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Cyclone Aquan Latest Update : बंगालच्या उपसागरात ‘अक्वान’ चक्रीवादळ तीव्र; महाराष्ट्राला धोका आहे का? जाणून घ्या हवामानाचा अंदाज

Pune News: पुण्यात रोज अतिक्रमणांवर हातोडा! ;पुढील दोन महिने कारवाई करण्याचा महापालिका आयुक्तांचा इशारा

Gokul Milk Price Hike : 'गोकुळ', 'वारणा' दूध विक्री दरात सहा रुपये वाढ; उद्यापासून अंमलबजावणी, म्हशीसाठी तीन, गायीसाठी दोन रुपये उत्पादकांना जादा मिळणार

Latest Marathi News Live Update : अक्वान चक्रीवादळाचा धोका वाढला; ओडिशा, आंध्र प्रदेशसह अनेक राज्यांना पावसाचा इशारा, वाऱ्याचा वेग ताशी ११० किलोमीटरपर्यंत जाण्याची शक्यता

वैभव सूर्यवंशीपासून हरमनप्रीत कौरपर्यंत... TIME Magazine च्या प्रतिष्ठित यादीत भारताच्या नऊ खेळाडूंना स्थान

SCROLL FOR NEXT