Supreme Court Issues Notice ECI : राजकीय पक्षांकडून वापरण्यात येणाऱ्या धार्मिक नावांच्या आणि चिन्हांच्या नावाबाबत कठोर पावलं उचलली असून, याप्रकरणी न्यायालयाने निवडणूक आयोगाला नोटीस बजावली आहे. धार्मिक नावं आणि चिन्हं वापरल्याबद्दल राजकीय पक्षांविरोधात सर्वोच्च न्यायालयात याचिका दाखल करण्यात आली आहे. त्यावरील सुनावणीदरम्यान, सुप्रीम कोर्टाने निवडणूक आयोगाला नोटीस बजावली आहे. तसेच न्यायालयाने अशा पक्षांना निवडणूक लढवण्यास बंदी घालावी अशी मागणी याचिकाकर्त्याकडून करण्यात आली असून, सर्वोच्च न्यायालयाने या प्रकरणी निवडणूक आयोग आणि केंद्र सरकारकडून चार आठवड्यांत उत्तर मागितले आहे.

राजकीय पक्षांकडून धार्मिक नावांचा आणि चिन्हांचा वापर मोठ्या प्रमाणात केला जातो. या मुद्द्यावरून सुप्रीम कोर्टात याचिका दाखल करत यावर आक्षे घेण्यात आला होता. वसीम रिझवी यांनी या विरोधात याचिका दाखल केली आहे. जर धर्माच्या नावावर मते मागणे बेकायदेशीर असेल, तर पक्षाचे नावही धर्माच्या आधारावर असू शकत नाही, असे मत याचिकाकर्ते रिझवी यांनी व्यक्त केले आहे. यासाठी त्यांनी इंडियन युनियन मुस्लिम लीग आणि हिंदू एकता दल या पक्षांचे उदाहरण दिले आहे. न्यायालयाने अशा पक्षांना निवडणूक लढवण्यास बंदी घालावी. सर्वोच्च न्यायालयाने या प्रकरणी निवडणूक आयोग आणि केंद्र सरकारकडून चार आठवड्यांत उत्तर मागितले आहे. याचिकाकर्त्याची बाजू मांडणारे वकील गौरव भाटिया यांनी न्यायालयात सांगितले की, राजकीय पक्षांच्या भांडणात चंद्र ताऱ्यांचा वापर थांबवावा.