हैदराबाद : इयत्ता दुसरीत शिकणाऱ्या मुलाने थेट पोलिस ठाण्यात (Police Station) धाव घेतली. त्याने आपल्या शिक्षकाची तक्रार नोंदवण्याची विनंती पोलिसांना केली. त्याचे कारण ऐकून महिला पोलिस निरीक्षक देखील हैराण झाल्या. तेलंगणातील (Telangana) महबूबाबाद जिल्ह्यातील बयाराम मंडल येथे ही घटना घडली.
अनिल नाईक, असे या मुलाचे नाव आहे. तो एका खासगी शाळेत शिकतो. याच परिसरात पोलिस ठाणे देखील आहे. एक दुसऱ्या वर्गात शिकणारा मुलगा अचानक पोलिस ठाण्यात आला. त्याला एकट्याला पाहून तो हरवला असावा असं पोलिसांना वाटलं. त्यानंतर पोलिस निरीक्षक रमादेवी यांनी तू इथं का आलास? असं मुलाला विचारलं. त्याने दिलेले उत्तर ऐकून रमादेवी देखील हैराण झाल्या. मला माझ्या शिक्षकाने मारहाण केली आहे. त्यामुळे त्यांची तक्रार नोंदवायची आहे, असं त्या मुलानं सांगितलं. त्याला कारण विचारलं असता, मी अभ्यास करत नव्हतो म्हणून मारलं, असं त्या मुलानं सांगितलं.
पोलिस निरीक्षक रमादेवी यांनी या मुलाची तक्रार शांतपणे ऐकून घेतली. त्यानंतर त्या मुलाला घेऊन शाळेत पोहोचल्या. तिथे वाद मिटवण्याचा प्रयत्न केला. मात्र, विद्यार्थी ऐकायला तयार नव्हता. त्या विद्यार्थ्याचं समुपदेशन करण्यात आलं. त्यानंतर वाद मिटला, अशी माहिती पोलिसांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.