नवी दिल्ली : काँग्रेसचे वरिष्ठ नेते मल्लिकार्जुन खर्गे यांना हे आता ईडीच्या रडारवर आहेत. नॅशनल हेरॉल्ड भ्रष्टाचार प्रकरणी त्यांची चौकशी होणार आहे. त्यांना आज ईडीच्या कार्यालयात हजर राहण्यासाठी समन्स बजावण्यात आलं आहे. (senior Congress leader Mallikarjuna Kharge summoned by ED case)

नॅशनल हेरॉल्ड प्रकरण काय आहे?

नॅशनल हेरॉल्ड प्रकरण सन १९३८ मध्ये करण्यात आलेलं एक वर्तमानपत्र होतं. पंडित नेहरु यांनी या वृत्तपत्राचा वापर स्वातंत्र्ययुद्धात केला होता. नेहरुंनी १९३७ मध्ये असेसिएटेड जर्नल बनवलं होतं. ज्यामध्ये तीन वर्तमानपत्रं काढण्यास सुरुवात करण्यात आली. यामध्ये हिंदीत नवजीवन, उर्दूमध्ये कौमी आवाज आणि इंग्रजीत नॅशनल हेरॉल्ड. सन २००८ येईपर्यंत असोसिएट जर्नलनं आता वर्तमान पत्र न छापण्याचा निर्णय घेतला. नंतर ही बाब उघड झाली की, असोसिएट जर्नलवर ९० कोटी कर्जाचा बोजा देखील आहे.

कोर्टात पोहोचलं प्रकरण

सन २०१२ मध्ये भाजप नेते सुब्रमण्यम स्वामी यांनी हे प्रकरण प्रकाशझोतात आणलं होतं. त्यांनी आरोप केला होता की, काँग्रेस पक्षानं आपल्या पक्षनिधीतून सोनिया गांधी आणि राहुल गांधी यांची कंपनी यंग इंडियाला ९० कोटी रुपये उधार दिले होते. या पैशातून राहुल आणि सोनिया यांच्या कंपनीनं नॅशनल हेरॉल्ड हे वर्तमान पत्र चालवणारी कंपनी असोसिएट जनरल खरेदी केली होती. यानंतर या कंपनीची ५ हजार कोटी रुपयांची संपत्ती अद्यापही गांधी कुटुंबियांकडे आजही असल्याचं सांगितलं जात आहे.