नवी दिल्ली : शरद पवार गटाकडून सर्वोच्च न्यायालयात याचिका दाखल करण्यात आली आहे. निवडणूक आयोगाने दिलेला निर्णय अयोग्य आहे, त्यामुळं या निर्णयाला स्थगिती द्यावी अशी मागणी या याचिकेतून करण्यात आली आहे. (sharad pawar faction run to supreme court aganist election commission decision about ncp)

निवडणूक आयोगानं राष्ट्रवादी काँग्रेस पक्ष आणि चिन्हाबाबत नुकताच निर्णय दिला. त्यानुसार, पक्ष आणि चिन्ह हे अजित पवार यांच्या गटाला देण्यात आलं. त्यामुळं शरद पवार यांच्या गटाला मोठा धक्का बसला होता. आयोगानं दिलेला निर्णय हा चुकीचा असल्याचा दावा करत शरद पवार गटानं सुप्रीम कोर्टात दोन दिवसांपूर्वीच धाव घेतली आहे. (Marathi Tajya Batmya)

यासाठी पुरावे म्हणून निवडणूक आयोगाच्या निर्णयाविरोधात तब्बल 800 पानांची कागदपत्र शरद पवार गटानं सुप्रीम कोर्टात दाखल केली आहेत, अशी माहिती विश्वसनीय सूत्रांनी दिली आहे. (Latest Marathi News)

अजित पवार गटाकडून सुप्रीम कोर्टात कॅव्हेट दाखल

दरम्यान, निवडणूक आयोगानं निकाल दिल्यानंतर शरद पवार गटाकडून सुप्रीम कोर्टात धाव घेण्यात येईल आणि त्यावर तातडीनं सुनावणी होऊ शकते ही शक्यता लक्षात घेत अजित पवार गटाकडून त्याच दिवशी सुप्रीम कोर्टात कॅव्हेट दाखल केली होती. त्यामुळं जर शरद पवारांच्या याचिकेवर सुप्रीम कोर्टानं निर्णय देताना आपलीही बाजून ऐकून घेतली जावी असं या कॅव्हेटमध्ये अजित पवार गटानं म्हटलं आहे.