Sharad Pawar-Gautam Adani: कोळसा घोटाळा प्रकरणी काँग्रेसचे माजी राष्ट्रीय अध्यक्ष राहुल गांधी यांनी पुन्हा एकदा गौतम अदानी यांच्यावर आरोप केला आहे. राहुल गांधी यांनी 32 कोटी रुपयांचा नवा आरोप अदानींवर केला. याबाबत त्यांनी  याबाबत त्यांनी पंतप्रधान नरेंद्र मोदी यांच्याकडे स्पष्टीकरण देण्याची मागणी केली आहे.

परदेशी वृत्तपत्र फायनान्शियल टाईम्सचा हवाला देत राहुल गांधी यांनी गौतम अदानी यांच्यावर आरोप केला आहे. "वाढत्या वीज बिलामागे अदानी ग्रृपचा हात आहे.अदानी इंडोनेशियामध्ये कोळसा विकत घेतात आणि भारतात त्याचा दर दुप्पट होतो", असा आरोप राहुल गांधी यांनी केला आहे. राहुल गांधी आज (बुधवार) पत्रकार परिषदेत बोलत होते.

इंडिया आघाडीत एकत्र असूनसुद्धा असूनही तुम्ही शरद पवार-अदानींच्या भेटीवर प्रश्न का उपस्थित करत नाहीत, असा प्रश्न राहुल गांधी यांना विचारण्यात आला. या प्रश्ना राहुल गांधींनी उत्तर दिले.

राहुल गांधी म्हणाले, "मी शरद पवारांना प्रश्न विचारलेले नाहीत कारण ते ते भारताचे पंतप्रधान नाहीत. शरद पवार बचाव करत नाहीत. अदानी मिस्टर मोदी आहेत आणि म्हणूनच मी मोदींना हा प्रश्न विचारला. जर शरद पवार भारताचे पंतप्रधान म्हणून बसले असते आणि अदानींना संरक्षण देत असते तर मी हा प्रश्न शरद पवारांना देखील विचारत असता."

इंडिया आघाडीचे सरकार आल्यावर गौतम अदानी यांच्यावर कारवाई कराला का?,यावर खासदार राहुल गांधी म्हणाले, "आम्ही हे नक्की करून दाखवू. फक्त अदानी नाही तर जो कोणी 32 हजार कोटींची चोरी करेल त्याची चौकशी केली जाईल."