लोकसभ टीव्ही आणि राज्यसभा टीव्ही मिळून तयार करण्यात आलेल्या संसद टीव्हीवर काँग्रेस नेते शशी थरुर आणि शिवसेना नेत्या प्रियंका चतुर्वेदी एका चॅट शोसाठी सूत्रसंचालन करणार आहेत. बुधवारी उपराष्ट्रपती आणि राज्यसभेचे सभापती एम. व्यंकय्या नायडू, पंतप्रधान नरेंद्र मोदी आणि लोकसभा अध्यक्ष ओम बिरला यांच्या संयुक्तविद्यमानाने या चॅनलची सुरुवात करण्यात आली आहे.

संसद टीव्ही लवकरच एक मालिका सुरु करणार असून, या मालिकेत आजी-माजी खासदार सूत्रसंचालकाच्या भूमिकेत दिसणार आहेत. शशी थरुर आमि प्रियंका चतुर्वेदी या दोघांपासून या कार्यक्रमाची सुरुवात होणार आहे. शशि थरुर 'टू द पॉंइंट' या कार्यक्रमात प्रतिष्ठीत मंडळींची मुलाखत घेताना दिसु शकतात. तर मेरी कहानी या कार्यक्रमात महिला खासदारांच्या मुलाखती घेण्याची जबाबदारी चतुर्वेदी यांच्यावर असणार आहे.

संसद टीव्हीवर सुरु होणाऱ्या या मालिकेत सध्या तरी राजकीय मंडळींना स्थान नसून, सुरुवातीच्या काळात वरिष्ठ अधिकाऱ्यांचा समावेश असू शकतो. निती आयोगाचे मुख्य कार्यकारी अधिकारी अमिताभ कांत यांचा ‘ट्रांसफॉर्मिंग इंडिया’ कार्यक्रमात भारताच्या विकासी कहानी बद्दल चर्चा करताना दिसतील.