केंद्रीय गृहमंत्री अमित शहा यांनी सहकार मंत्री झाल्यानंतर महाराष्ट्राचा पहिला दौरा केला. यावेळी त्यांनी नगर आणि पुण्यात महाविकास आघाडीवर टीकास्त्र सोडलं. यावर संजय राऊत यांनी प्रत्युत्तर दिलं आहे. राज्यात भाजपने सत्ता गमावल्यानंतर वैफल्यग्रस्त झाल्यामुळे अमित शहांनी हे वक्तव्य केल्याचं राऊत म्हणाले. अमित शहांचं वक्तव्य असत्याला धरून आहे आम्हाला अमित शाह पुण्यात जे बोलले, त्याची दया आली, आणि आश्चर्यही वाटलं, असं राऊत यांनी म्हटलं. (Sanjay Raut in Delhi)

संजय राऊत यांचे महत्वाचे मुद्दे

आमच्या सारख्या प्रखर हिंदुत्ववादी पक्षाला भाजपने 2014 साली सत्तेबाहेर ठेवण्याचा प्रयत्न केला. 2014 साली शिवसेनेला सत्तेपासून दूर करा, हे सांगणारे कोण होते, असा प्रश्न त्यांनी उपस्थित केला आहे. हिंदुत्ववादाचा पावलो पावली विश्वासघात करणारे कोण. शिवसेनेला सत्तेबाहेर ठेवण्यासाठी कोणी कटकारस्थानं केली, असं राऊत म्हणाले. यावर बोला. पुण्यात जमत नसेल तर दिल्लीत बोला, असं आवाहन राऊत यांनी अमित शाहांना केलं आहे.

राऊत यांचे महत्वाचे मुद्दे

तीन तीन चिलखतं घालून तुम्ही महाराष्ट्रात कुरघोडी करण्याचा प्रयत्न करत आहात, तर ती काढून लढा... आम्ही छातीवर वार झेलतो..सीबीआय, ईडी यांसारख्यांच्या खांद्यावरून आमच्यावर गोळ्या झाडू नका.

वेगळे लढून दाखवा, आम्ही राजीनामा देऊ

2014 साली प्रचंड ताकद असून आम्ही चांगले लढलो

तुम्ही 105 आमदारांना राजीनामा द्यायला लावा

पुन्हा निवडणूक घ्या आणि आमदारांना निवडून आणून दाखवा