नवी दिल्ली : नरेंद्र मोदी यांच्या नेतृत्त्वात देशात एनडीए-2 सरकार स्थापन झाले. राष्ट्रपती रामनाथ कोविंद यांनी त्यांना पद आणि गोपनियतेची आज (गुरुवार) शपथ दिली. त्यानंतर शिवसेनेचे खासदार अरविंद सावंत यांनाही कॅबिनेट मंत्रिपदाची शपथ देण्यात आली. 

राष्ट्रपती भवनाच्या प्रांगण येथे नरेंद्र मोदी यांच्या दुसऱ्या कार्यकाळातील मंत्रिमंडळाचा शपथविधी आज संपन्न झाला. मंत्रिमंडळाच्या पहिल्या विस्तारात मोदींसह सुमारे 50 मंत्र्यांचा शपथविधी पार पडला. यामध्ये एनडीएतील घटक पक्ष असलेल्या शिवसेनेच्या अरविंद सावंत यांना कॅबिनेट मंत्रिपदी संधी देण्यात आली. आज त्यांचा शपथविधी पार पडला. 

दरम्यान, अरविंद सावंत यांना मंत्रिपदाची शपथ दिल्यानंतर आता त्यांना कोणते मंत्रिपद मिळते, याकडे सर्वांचे लक्ष लागले आहे.