कॉमेडियन कपिल शर्माच्या शोमध्ये (Kapil Sharma Show) अर्चना पूरण सिंग आणि नवज्योत सिंग सिद्धू विशेष जज म्हणून काम पाहत आहेत. अर्चना आणि सिद्धू दोघेही जजच्या खुर्चीवर बसून कपिल शर्मा शोची मजा द्विगुणित करत आहेत. एकीकडे सिद्धू आणि कपिल वर्षानुवर्षे एकत्र आहेत, तर अर्चनाही कपिलच्या करिअरचा महत्त्वाचा भाग आहे. पण जेव्हापासून अर्चनाला कपिलच्या शोमध्ये जजची खुर्ची मिळाली तेव्हापासून शोचे कॉमेडियन आणि चाहते तिला सिद्धूच्या नावाने चिडवत आहेत. पण आता पंजाब निवडणूक 2022 (Punjab Election) चे निकाल पाहता सिद्धू लवकरच शोमध्ये परत येऊ शकतो असे दिसते. असं आम्ही नाही तर ट्विटर वापरकर्ते म्हणत आहेत. (Navjyot Singh Sidhu's defeat threatens Archana Puran Singh's chair! Funny memes go viral)

अर्चनाची खुर्ची धोक्यात-

नवज्योतसिंग सिद्धू यांनी पंजाबचे मुख्यमंत्री होण्याचे स्वप्न पाहिले होते. हे स्वप्न पूर्ण करण्यासाठी ते 2022 च्या पंजाब विधानसभेच्या निवडणुकीतही उभे राहिले. मात्र, आता सिद्धूच्या स्वप्नांचा चुराडा होताना दिसत आहे. पंजाबमध्ये आम आदमी पक्ष प्रचंड बहुमताने आघाडीवर आहे. केजरीवाल यांच्या पक्षाने सीएम चन्नी, कॅप्टन अमरिंदर सिंग, प्रकाश सिंग यांच्यासह नवज्योत सिंग सिद्धू यांचा पराभव केला आहे. अशा परिस्थितीत सिद्धू आणि अर्चना यांच्यावर बरेच मीम बनवले जात आहेत. यासोबतच हे मीम्स देखील ट्विटरवर व्हायरल झाले आहेत.

अर्चना पूरण सिंगसाठी ही कठीण आणि अडचणीची वेळ असल्याचे ट्विटर वापरकर्त्यांचे म्हणणे आहे, कारण आता त्यांची द कपिल शर्मा शोची खुर्ची हिसकावून घेतली जाणार आहे. निवडणूक हरल्यानंतर सिद्धू कपिल शर्मा शोमध्ये परतणार असल्याचे युजर्सचे म्हणणे आहे. त्याचे राजकिय करियर आता संपले आहे.

तुम्ही युजर्सचे काही ट्वीटदेखील पाहू शकता-