J&K Gulmarg Snow Avalanche: जम्मू आणि काश्मिरच्या गुलमर्गमध्ये बर्फाचा डोंगर कोसळला असून यामध्ये तीन परदेशी नागरिक अडकले होते, यांपैकी एकाचा मृत्यू झाला आहे. या नागरिकांच्या बचावासाठी युद्धपातळीवर लष्कराच्या तुकडीकडून काम सुरु आहे. (Snow avalanche hits upper reaches of J&K Gulmarg trapping three foreigners)

एएनआयच्या माहितीनुसार, आज दुपारी २ वाजण्याच्या सुमारास गुलमर्ग इथं भूस्खलनाची घटना घडली. गुलमर्ग हे पर्यटन स्थळ असून सध्या इथं बर्फवृष्टी सुरु आहे. त्यामुळं पर्यटकांसाठी हा पर्यटनाचा हंगाम आहे. दरम्यान, या भूस्खलनात तीन परदेशी पर्यटक अडकून पडले होते. याची खबर मिळताच लष्कराच्या बचाव पथकाकडून शोध मोहिम हाती घेण्यात आली. (Latest Marathi News)

दरम्यान, या अडकलेल्या तिघांपैकी एकाचा मृत्यू झाला असून एकजण गंभीर जखमी आहे. तर एकाचा अद्याप पत्ता लागलेला नाही, त्याचा युद्धपातळीवर शोध सुरु आहे, अशी माहिती बारामुल्लाच्या आपत्ती व्यवस्थापन विभागानं याची माहिती दिली आहे. (Marathi Tajya Batmya)