नवी दिल्ली : माजी केंद्रीय मंत्री आणि खासदार मनेका गांधी यांचा एक व्हिडिओ सोशल मीडियावर व्हायरल होत आहे. व्हिडिओमध्ये "चौपाल" ला संबोधित करताना खासदार म्हणतात, "गाढवाच्या दुधाचा साबण स्त्रीचे शरीर नेहमीच सुंदर ठेवतो. एक अतिशय प्रसिद्ध विदेशी राणी 'क्लियोपात्रा' होती जी गाढवाच्या दुधाने आंघोळ करायची, असंही त्यांनी म्हटलं.

गाढवाच्या दुधाचा साबण दिल्लीत प्रत्येकी 500 रुपयांना विकला जातोय. आपण शेळीच्या दुधाचा साबण का बनवत नाही. गाढवाच्या दुधाचा साबण बनवा. गाढवाच्या दुधाचा साबण स्त्रीचे शरीर नेहमीच सुंदर ठेवतो, असं मनेका गांधी यांनी म्हटलं.

हा व्हिडिओ बलदिराईमध्ये आयोजित एका कार्यक्रमाचा असल्याचे सांगण्यात येत आहे. यामध्ये मेनका गांधी लोकांना सांगत आहेत की त्यांनी गाढवांची संख्या कमी होत असल्याचे पाहिले आहे. यानंतर त्या लोकांना प्रश्न विचारतात की, तुम्हाला गाढव पाहून किती दिवस झाले. गाढव कमी झाले आहेत किंवा संपले आहेत. पण लडाखमध्ये गाढवाचे दूध काढून त्याच्या दुधापासून साबण बनवले जात असल्याचं त्यांनी नमूद केलं.