कैमगंज (पीटीआय) : निवडणुकीनंतर कॉंग्रेसशी आघाडी करण्याशिवाय सप-बसपला पर्याय नाही, असे वक्तव्य कॉंग्रेसचे ज्येष्ठ नेते सलमान खुर्शिद यांनी आज येथे केले.
उत्तर प्रदेश कॉंग्रेसचे दोन वेळा अध्यक्षपद भूषविलेले खुर्शिद यांनी म्हटले आहे की, भाजप सरकारच्या कारभारावर नागरिक नाराज असून, राष्ट्रीय आणि राज्य पातळीवर त्यांना आता नवा पर्याय हवा आहे. त्यामुळे "गठबंधन'मध्ये सहभागी झालेल्या पक्षांसोबत आघाडी करण्यास कॉंग्रेसही उत्सुक आहे. निवडणुकीनंतरही आम्ही एकत्रितपणे भाजपला विरोध करणार आहोत.
कैमगंज येथील निवासस्थानी "पीटीआय'ला दिलेल्या मुलाखतीमध्ये खुर्शिद यांनी ही माहिती दिली. ते म्हणाले, की निवडणुकीनंतर समाजवादी पक्ष (सप) आणि बहुजन समाज पक्षाच्या (बसप) "गठबंधन'ला कॉंग्रेसशी आघाडी केल्याशिवाय पर्याय असणार नाही. त्यामुळे सप-बसपबरोबर निवडणुकीनंतर आघाडी करण्यासाठी आम्ही उत्सुक आहोत. भाजपला सत्तेतून घालविण्यासाठी आम्ही एकत्र आलो असल्याचे सप-बसप आघाडी मतदारांना सांगते आहे. त्यामुळे या आघाडीला कॉंग्रेसबरोबर जावेच लागणार आहे. आमच्या सर्वांचे अंतिम धैय एकच आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.