जयपूर : राजस्थानममधील भरतपूर (Bharatpur Rajsathan) जिल्ह्यात १४ वर्षीय अल्पवीयन मुलावर तिघांनी अनैसर्गिक अत्याचार (minor boy physical abused) केल्याची घटना उघडकीस आली आहे. याप्रकरणी विशेष न्यायाधीशांसह तिघांना अटक करण्यात आली आहे. तसेच न्यायाधीशाला तत्काळ निलंबित करण्यात आले आहे.

पीडित मुलीच्या आईने दिलेल्या तक्रारीनुसार, पीडित मुलगा हा स्टेडीयममध्ये टेनिस खेळण्यासाठी जात होता. इथं अनेक अधिकारी आणि न्यायाधीश देखील खेळण्यासाठी येतात. आरोपी न्यायाधीशाने त्या मुलाशी तिथेच मैत्री केली आणि त्याला स्टेडियममधून त्याच्या घरी नेले. तेथे काही अंमली पदार्थ पाजून मुलावर अत्याचार करण्यात आला. महिनाभर हा अत्याचार सुरू होता. त्यानंतर मुलाला वेदना होऊ लागल्याने त्याने आपल्या आईला घडलेला प्रकरा सांगितला. तसेच या घटनेबाबत कोणाला सांगितले, तर मुलाला गंभीर परिणाम भोगावे लागतील, अशी धमकी न्यायाधीशासह तिन्ही आरोपींनी दिली होती. याबाबत 'इंडिया टूडे'ने वृत्त दिले आहे.

न्यायाधीशांचा एक व्हिडिओ देखील व्हायरल झाला आहे. यामध्ये तो पीडितेच्या आईला माफी मागत असून घटनेबद्दल विसरून जा, असं सांगतेय. पीडित मुलाच्या आईने दिलेल्या तक्रारीवरून पोक्सो कायद्याच्या कलमांतर्गत न्यायाधीश आणि इतर दोघांविरुद्ध बलात्कार आणि इतर आरोपांसाठी एफआयआर नोंदवण्यात आला, असे पोलिसांनी सांगितले.

पीडित मुलाच्या कुटुंबीयांनी असाही आरोप केला आहे की, एसीबीच्या सर्कल ऑफिसरसह अन्य दोन आरोपींनी मुलाला जीवे मारण्याची धमकी दिली, असे पोलिसांनी सांगितले. या घटनेनंतर अधिकाऱ्याला निलंबित करण्यात आले आहे