हैद्राबाद : एका वेगात असलेल्या गाडीवरचं चालकाचं नियंत्रण सुटलं आणि ती थेट उड्डाणपुलावरून खाली कोसळली. यात एका महिलेचा मृत्यू झाला तर 6 जण जखमी झाले. या घटनेचा फ्लाय ओव्हरवरून गाडी कोसळल्याचा थरारक व्हिडिओ सीसीटीव्ही कॅमेऱ्यात कैद झाला. फ्लायओव्हरवरून वेगाने जात असताना चालकाचा ताबा सुटल्याने मोटार फ्लायओव्हरवरुन थेट खाली पडली. खाली रस्त्यावर ही मोटार पडल्यावर एका महिलेच्या अंगावर पडून त्यामध्ये तिचा मृत्यू झाला.
मोटारीत प्रवास करत असलेल्या चालकासहित तीन जण गंभीर जखमी झाले आहेत. मोटारीचा चालक अत्यंत गंभीर असून त्याच्यावर रुग्णालयात उपचार चालू आहेत. या घटनेचा व्हिडिओ सोशल मिडीयावर मोठ्या प्रमाणावर व्हायरल होत आहे.
हा अपघात हैद्राबाद शहरातील गाचीबोवली भागातील बायोडायव्हरसिटी जंक्शनजवळ असलेल्या फ्लाईओव्हरवर झाला आहे. चालकाचा मोटारीवरील ताबा सुटल्याने हा अपघात झाला असून लाल रंगाची फोक्सवॅगन मोटारीचा हा अपघात झाला. यावेळी आपल्या मुलासोबत रिक्षाची वाट पाहत थांबलेल्या महिलेचा मोटारीखाली येऊन मृत्यू झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.