Stampede in Odisha : ओडिशाच्या कटकमधून मोठी बातमी समोर आली आहे.

हे ही वाचा : पुण्याचा पहिला 'माॅल'- तुळशीबाग

मकर सक्रांतीच्या मेळाव्यादरम्यान चेंगराचेंगरी झाल्याचे समोर आले असून, या घटनेत दोघाजणांचा मृत्यू झाला आहे. तर अनेक जण जखमी झाल्याचे सांगितले जात आहे. याबाबत हिंदुस्थान टाईम्सने वृत्त प्रकाशित केले आहे.

नेमकी ही घटना कशी घडली याबाबत अद्याप कोणतीही ठोस माहिती समोर आलेली नाही. ओडिशाच्या कटक ही चेंगराचेंगरी झाली आहे. या मेळाव्यासाठी दोन लाखांहून अधिक लोक जमले होते. त्यावेळी ही घटना घडली आहे.

मिळालेल्या प्राथमिक माहितीनुसार कटक जिल्ह्यातील बडंबा-गोपीनाथपूर टी-ब्रिजवर मकर संक्रांतीनिमित्त मेळाव्याचे आयोजन करण्यात आले होते. यावेळी अचानक चेंगराचेंगरी झाली आणि एकच गोंधळ उडाला.

यात दोन जण ठार तर १० जण गंभीर जखमी झाल्याचे सांगितले जात आहे. या मेळाव्यासाठी दोन लाखांहून अधिक लोक एकत्र जमले होते. त्यामुळे मृत आणि जखमींचा आकडा वाढण्याची भीती व्यक्त केली जात आहे.