नवी दिल्ली : दोनच दिवसांपूर्वी नेपाळमध्ये झालेल्या भीषण भूकंपानंतर आता दिल्ली देखील भूकंपानं हादरली आहे. कारण दिल्ली आणि राजधानीच्या परिसरात सोमवारी सव्वाचारच्या सुमारास भूकंपाचे जोरदार धक्के जाणवले आहेत. एएनआयनं याबाबत वृत्त दिलं आहे. (Strong earthquake tremors felt in Delhi)

केंद्र नेपाळमध्ये

आजच्या भूकंपाचा केंद्रबिंदू नेपाळमध्ये असल्याचं भूकंपशास्त्र विभागानं म्हटलं आहे. याची तीव्रता रिश्टर स्केलवर ५.६ इतकी नोंदवली गेली आहे. विभागानं दिल्लीत जाणवलेले भूकंपाचे धक्के जोरदार असल्याचं म्हटलं जात आहे. पण यामध्ये कुठलंही नुकसान झाल्याची माहिती अद्याप मिळालेली नाही. (Latest Marathi News)

नेपाळमध्ये १३२ लोकांचा मृत्यू

तीनच दिवसांपूर्वी दिल्लीत भूकंपाचे धक्के जाणवले होते. त्याची तीव्रता ६.४ रिश्टर स्केल इतकी होती. त्यानंतर लगेचच यूपी-बिहारमध्ये देखील भूकंपाचे धक्के जाणवले होते. यामध्ये नेपाळमध्ये मोठं नुकसान झालं होतं. आजतकच्या वृत्तानुसार, अनेक इमारती या धक्क्यानं कोसळल्यानं यामध्ये १३२ लोकांचा मृत्यू झाला तर ढिगाऱ्याखाली अनेक लोक गाडले गेले आहेत. (Marathi Tajya Batmya)