नवी दिल्ली-  उत्तरप्रदेश केंद्रीय वक्फ बोर्डाचे माजी अध्यक्ष सय्यद वसीम रिझवी यांनी सादर केलेली पवित्र कुरआनमधील काही आयत हे वगळले जावे, अशी मागणी करणारी याचिका सर्वोच्च न्यायालयाने आज फेटाळून लावली. काही कट्टरपंथीय घटक हे याच आयताचा गैरफायदा घेत दहशतवादाचा प्रसार करतात, असा आरोप या याचिकेच्या माध्यमातून करण्यात आला होता. न्यायालयाने ही याचिका फेटाळून लावतानाच रिझवी यांना ५० हजार रुपयांचा दंड देखील ठोठावला आहे. न्या. आर. एफ.नरिमन यांच्या अध्यक्षतेखालील तीन सदस्यीय खंडपीठाने अशा प्रकारची याचिका सादर करणे हेच मुळात मूर्खपणा असल्याचे सांगितले. यावेळी याचिकाकर्त्यांच्या वकिलांनी सांगितले की, ‘‘ या पवित्र ग्रंथाचा समावेश हा अनेक मदरशांमधील अभ्यासक्रमामध्ये देखील करण्यात आला असून लहान वयांमध्ये मुलांवर कट्टरपंथीय विचारांचे संस्कार केले जात आहेत. धार्मिक स्वातंत्र्याच्या अधिकाराखाली त्याला परवानगी दिली जाऊ शकत नाही. कारण यामुळे लहान मुलांमध्ये कट्टरपंथीय विचारांचे बीजारोपण होते.’’ याचिकाकर्त्यांचे हे म्हणणे न्यायालयाने फेटाळून लावले. भारत