नवी दिल्ली - कोरोनाबाधितांना दिल्या जाणाऱ्या सापत्न वागणुकीची सर्वोच्च न्यायालयाने आज गंभीर दखल घेत त्यांच्या घराबाहेर पोस्टर अथवा ओळख पटविणारा कोणताही कागद चिकटविला जाऊ नये, असे निर्देश सर्वोच्च न्यायालयाने दिले आहेत.

देशभरातील इतर बातम्या वाचण्यासाठी येथे क्लिक करा

केंद्राने या अनुषंगाने जारी केलेल्या मार्गदर्शक तत्त्वांची न्यायालयाने आज गंभीर दखल घेतली. काही विशिष्ट प्रकरणांमध्येच अशा प्रकारचे पोस्टर लावले जाऊ शकतात पण त्यासाठी संबंधित अधिकाऱ्यांनी आपत्ती व्यवस्थापन कायद्याअंतर्गत विशिष्ट दिशा निर्देश जारी करणे आवश्‍यक आहे असे न्यायालयाने म्हटले आहे.

जगभरातील इतर बातम्या वाचण्यासाठी येथे क्लिक करा

न्या. अशोक भूषण यांच्या अध्यक्षतेखालील खंडपीठासमोर आज या प्रकरणी सुनावणी झाली. या खंडपीठामध्ये न्या. आर.एस. रेड्डी, न्या. एम.आर. शहा यांचा समावेश होता. केंद्राने या अनुषंगाने अनेक मार्गदर्शक तत्त्वे जारी केली असून त्यामुळे राज्ये आणि केंद्रशासित प्रदेशांनी बाधितांच्या घराबाहेर वेगळे पोस्टर लावण्याची आवश्‍यकता नाही असे न्यायालयाने म्हटले आहे. दरम्यान याआधी झालेल्या सुनावणीवेळी केंद्रानेच आम्ही अशाप्रकारचे पोस्टर लावण्याच्या सूचना दिला नसल्याचे म्हटले होते. 

मोदी सरकारलाच घ्यावी लागेल माघार, शेतकरी हटणार नाहीत- राहुल गांधी