मोरबी जिल्ह्यात केबल पूल कोसळल्याचं प्रकरण सर्वोच्च न्यायालयात पोहोचलंय.
नवी दिल्ली : गुजरातमधील (Gujarat) मोरबी जिल्ह्यात केबल पूल कोसळल्याचं (Morbi Bridge Collapse) प्रकरण सर्वोच्च न्यायालयात (Supreme Court) पोहोचलंय. या संदर्भात सर्वोच्च न्यायालयात याचिका दाखल करण्यात आलीय.
या प्रकरणाची चौकशी सुरू करण्यासाठी सर्वोच्च न्यायालयाच्या निवृत्त न्यायमूर्तींच्या देखरेखीखाली न्यायिक आयोग स्थापन करण्यासाठी तातडीनं निर्देश देण्याची मागणी याचिकेत करण्यात आलीय. आता सुप्रीम कोर्टानं 14 नोव्हेंबरला सुनावणी घेण्याचं मान्य केलंय.
मोरबी येथील पूल दुर्घटनेबाबत पंतप्रधान नरेंद्र मोदींनी सोमवारी गांधीनगरमध्ये अधिकाऱ्यांसोबत आढावा बैठक घेतली. या बैठकीत त्यांनी अपघाताची माहिती घेतली आणि जखमींना पूर्ण मदत करण्याचे निर्देश दिले. या बैठकीत पंतप्रधान नरेंद्र मोदींनी 2 नोव्हेंबरला राज्यात राजकीय शोक जाहीर करण्याचा निर्णय घेतला. बचाव आणि मदत कार्यात कोणताही हलगर्जीपणा करू नये, असे निर्देशही त्यांनी दिले.
मच्छू नदीवरील केबल पूल कोसळून लोकांचा मृत्यू झाल्याप्रकरणी पोलिसांनी सोमवारी 9 जणांना अटक केली. इतरांचा शोध सुरू आहे. या दुर्घटनेत भाजप खासदार मोहन कुंडारिया यांच्या 12 नातेवाईकांचा मृत्यू झालाय. दरम्यान, पंतप्रधान मोदी आज म्हणजेच मंगळवारी मोरबीला येणार आहेत. इथं ते पीडितांच्या कुटुंबीयांची भेट घेणार आहेत. यापूर्वी त्यांनी त्यांचा रोड शो रद्द केला होता. काँग्रेसनंही आपली परिवर्तन यात्रा दिवसभरासाठी पुढं ढकलली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.