Target Killing In Jammu & Kashmir : काश्मिरी पंडितांच्या हत्येनंतर आता पुन्हा एकदा काश्मीर खोऱ्यातून टार्गेट किलिंगची घटना समोर आली आहे. जम्मू-काश्मीरमधील शोपियानमध्ये दहशतवाद्यांनी ग्रेनेडने हल्ला करून दोन गैर-काश्मीरी मजुरांची हत्या केली आहे. हत्या करण्यात आलेले दोघेही मजूर उत्तर प्रदेशातील असल्याचे सांगण्यात येत आहे.
मनीष कुमार आणि रामसागर अशी या घटनेत हत्या झालेल्या मुजरांची नावे असून, ते उत्तर प्रदेशातील कन्नौजचे रहिवासी आहेत. या घटनेनंतर पोलिसांनी संपूर्ण परिसराची नाकेबंदी करून शोधमोहीम सुरू केली आहे. जम्मू-काश्मीर पोलिसांचे विशेष तपास युनिट (SIU) सध्या संपूर्ण पुलवामामध्ये छापे टाकत आहे.
हल्ल्याच्या वेळी दोन्ही कामगार टिनच्या शेडमध्ये झोपले होते. यादरम्यान दहशतवाद्यांनी त्यांच्यावर ग्रेनेडने हल्ला केला. दोन दिवसांपूर्वी दहशवाद्यांनी 15 ऑक्टोबर रोजी शोपियानमध्ये दहशतवाद्यांनी काश्मिरी पंडित पूरन कृष्ण भट्ट यांची गोळ्या घालून हत्या केली होती. भट यांच्या हत्येची जबाबदारी काश्मीर फ्रीडम फायटर या दहशतवादी संघटनेने घेतली आहे. त्यानंतर आज युपीच्या मजुरांची हत्या करण्यात आल्याने नागरिकांमध्ये भीतीचे वातावरण निर्माण झाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.