Tariq Mansoor : भारतीय जनता पक्षाचे अध्यक्ष जे.पी.नड्डा यांनी आज भारतीय जनता पक्षाचे नवीन टीम घोषित केली. 2024 च्या निवडणुका डोळ्यासमोर ठेवून त्यांनी ही टीम घोषित केली. यावेळी काही चेहऱ्यांना काढण्यात आलं तर काही नवे चेहरे यात घेतले.

या टीम मध्ये उत्तर प्रदेश या ठिकाणाहून मोठ्या प्रमाणावर नेत्यांना जागा मिळाली आहे. यात सर्वात चर्चेचा विषय ठरला तो म्हणजे विधान परिषद चे आमदार आणि पार्टीचे एक प्रमुख मुस्लिम चेहरा असलेले तारीक मन्सुर.

तारीख मन्सूर हे उत्तर प्रदेशात विधान परिषदेचे आमदार आहेत. २०१७ ते २०२३ असे सात वर्ष ते अलीगड मुस्लिम युनिव्हर्सिटीचे चान्सलर होते. सुरुवातीपासूनच त्यांचे आणि आरएसएसचे चांगले संबंध राहिले आहेत. मन्सूर यांचे संघा सोबत खूप चांगले संबंध राहिले आहेत. त्यांच्या मुलाच्या लग्नाला स्वतः आरएसएसचे प्रमुख मोहन भागवत आले होते.

याचबरोबर एन आर सी आणि सी ए एला विरोध जेव्हा अलिगड मुस्लिम युनिव्हर्सिटी मध्ये झाला तेव्हा तारीख मन्सूर यांनी पोलिसांना युनिव्हर्सिटी मध्ये बोलावले होते. युनिव्हर्सिटी मध्ये पोलीस आले हे तेव्हा इतिहासात पहिल्यांदा झाले.

मन्सूर हे मुस्लिम समाजातील कुरेशी जातीमध्ये येतात. मुसलमान समाजामध्ये कुरेशींना पसमांदा म्हटलं जातं. या समुदायाला एकत्र करण्याचे निर्देश खुद्द पंतप्रधान नरेंद्र मोदी यांनी काही दिवसांपूर्वी भाजपाला दिले होते. यानुसारच संपूर्ण भारतामध्ये भारतीय जनता पक्ष रथयात्रा काढत आहे.