भाजप नेत्याची हत्या केल्याचा धक्कादायक प्रकार समोर आला आहे. अज्ञात व्यक्तींनी नेत्याला गाडीच्या डिग्गीमध्ये बंद करुन पेटवून दिल्याचा प्रकार उघडकीस आला आहे. तेलंगणामधील मेडक जिल्ह्यात मंगळवारी ही भयावह घटना घडली आहे. पोलिसांनी दिलेल्या माहितीनुसार, मेडक जिल्ह्यातील स्थानिक भाजप नेत्याला जिवंत जाळण्यात आलं आहे. काही अज्ञात लोकांनी नेत्याला गाडीच्या डिग्गीमध्ये बंद केलं आणि आग लावून दिली. यामध्ये भाजप नेत्याचा आगीत जळून दुर्दैवी मृत्यू झाला.

याप्रकरणी पोलिसांनी अज्ञात व्यक्तींच्या विरोधात गुन्हा दाखल केला आहे. मेडकच्या पोलिस निरिक्षक चंदना दिप्ती म्हणाल्या, 'काही अज्ञात लोकांना भाजप नेत्याला त्यांच्याच कारच्या डिग्गीमध्ये बंद करुन आग लावली. गाडीच्या डिग्गीमध्ये त्यांचा मृतदेह मिळाला. याप्रकरणाचा तपास वेगानं सुरु आहे.'