देशात भारतीय जनता पार्टीला शहर देण्यासाठी संतुक्त पक्षांची आघाडी होण्यासाठी प्रयत्न सुरू आहेत. दोन वर्षांपूर्वी शरद पवार यांनी भाजप विरहीत आघाडीचा प्रयत्न केला होता. त्यावेळी यश आलं नव्हतं. मात्र, ममता बॅनर्जी पश्चिम बंगालमध्ये पुन्हा निवडून आल्यानंतर राष्ट्रीत पातळीवर त्या अॅक्टिव्ह झाल्या आहेत. त्यांच्या सरकारचं अधिवेशन राज्यपालांनी तहकूब केलं. (KCR to meet Uddhav Thackeray and Mamata Banerjee)

महाराष्ट्रातही राज्यपाल सत्ताधाऱ्यांना जुमानत नसल्याची टीका महाविकास आघाडीतील नेते करतात. तेलंगणाचे मुख्यमंत्री केसी राव हे देखील भाजपच्या विरोधात आघाडीत एकत्र येण्यासाठी प्रयत्नशील दिसतात. यासाठी ते लवकरच मुख्यमंत्री उद्धव ठाकरेंची भेट घेणार आहेत. यासोबतच ते ममता बॅनर्जी यांचीही भेट घेणार आहेत.

भाजप सरकारची धोरणं जनताविरोधी आहेत. त्यामुळे पंतप्रधान नरेंद्र मोदी यांच्या नेतृत्वाखालील एनडीए सरकारला हाकलून लावले पाहिजे, असा आरोप राव यांनी केला. भाजपविरोधी राजकीय पक्षांना एकत्र करण्यात मोठी भूमिका बजावणार आहे, असं ते म्हणाले. राफेल लढाऊ विमानांच्या खरेदीत भ्रष्टाचार झाल्याचा आरोप राव यांनी केला. तसेच सत्य समोर आणण्यासाठी सर्वोच्च न्यायालयात जाणार असल्याचं प्रतिपादन केलं.

"मला डोसा खायचा आहे"

ममता बॅनर्जी यांनी मला फोन केला. आमच्यात चर्चाही झाली. त्यांनी मला बंगालला बोलावलं आहे. यानंतर त्या देखील हैदराबादला येणार असल्याचं म्हणाल्या. मला डोसा खायचायं असं त्या म्हणाल्या. यावर मीही त्यांना 'वेलकम' असं म्हटलंय. अशी माहिती मुख्यमंत्री केसीआर यांनी दिली.