पाकिस्तानच्या बलुचिस्तान (Balochistan) येथे दहशतवादी हल्ला करण्यात आला असून या हल्ल्यात पाकिस्तानच्या एकूण 10 सैनिकांचा मृत्यू झाला असल्याची माहिती समोर येत आहे. पाकिस्तानी सैन्याच्या मीडियाने (आयएसपीआर) या हल्ल्याबाबत माहिती दिली. या घटनेमुळे पाकिस्तानमध्ये खळबळ उडाली आहे. (Pakistan Terror Attack)

आयएसपीआर (ISPR) दिलेल्या माहितीनुसार, गुरुवारी (२७) बलुचिस्तान येथील केच परिसरातील सुरक्षा दलाच्या चौकीवर दहशतवाद्यांनी अचानक हल्ला करत गोळीबार करण्यात आला. या गोळीबारात जवळपास 10 पाकिस्तानी जवानांचा मृत्यू झाला असून काही सैनिक जखमी झाले आहेत.

साधारणत: 25 ते 26 जानेवारीच्या रात्री या हल्ल्याची घटना घडली असल्याची माहिती पाकिस्तनी (Pakistans) सैन्याने दिली आहे. या हल्ल्यात एका दहशतवाद्याचा खात्मा करण्यात आला असून अनेकजण जखमी झाले आहेत. या दहशतवादी हल्ल्यानंतर पाकिस्तानमधील सुरक्षा यंत्रणा सतर्क झाली असून जागोजागी संबंधित अर्लट जारी करण्यात आले असल्याची माहिती मिळत आहे. मात्र अजून कोणत्याही दहशतवादी संघटनेने या हल्ल्याची जबाबदारी घेतलेली नाही.

या कारवाईत लष्कराने तीन दहशतवाद्यांना पकडले आहे. या हल्ल्याची जबाबदारी अद्याप कोणत्याही संघटनेने स्वीकारलेली नाही. इराण आणि अफगाणिस्तानच्या सीमेला लागून असलेला बलुचिस्तान प्रांत अनेक दिवसांपासून हिंसक बंडखोरीचा केंद्रबिंदू आहे. या भागातील चीन-पाकिस्तान आर्थिक कॉरिडॉर प्रकल्पांना लक्ष्य करून बलुच बंडखोर गटांनी यापूर्वी अनेक हल्ले केले आहेत.