ठाणे : महाराष्ट्रातील एका 22 वर्षाच्या युवकाला 70 वर्षांहून अधिक वयाच्या दोन स्त्रियांवर बलात्कार केल्याप्रकरणी अटक करण्यात आली आहे. त्याला ठाणे जिल्ह्यातून अटक करण्यात आल्याची माहिती पोलिसांनी दिली आहे. वाशिंद पोलिसांनी दिलेल्या माहितीनुसार, या 22 वर्षीय आरोपीचं नाव भुषण हिंदोळे असं असून तो शहापूरचा आहे.

पोलिसांकडून मिळालेल्या माहितीनुसार, त्याने घर फोडून प्रवेश केला आणि 70 वर्षे वयाच्या एका महिलेवर 20 मार्च रोजी बलात्कार केला. त्यानंतर त्याने शेजारच्या घरातही प्रवेश केला आणि 72 वर्षांच्या महिलेवरही बलात्कार केला. 23 मार्च रोजी याबाबत तक्रार नोंदवण्यात आली होती. त्यानंतर त्याच्यावर बलात्काराचे आरोप लावण्यात आले आहेत. त्याला 25 मार्च रोजी ताब्यात घेण्यात आलं होतं.