सोशल मीडियावर काय ट्रेंड होईल सांगता येत नाही. आज गुरुवारी (ता.२१) ट्विटरवर धन्यवाद मोदीजी (#ThankYouModiji) हा हॅशटॅग ट्रेंडिंगमध्ये आहे. बरं हे धन्यवाद पंतप्रधान मोदींना का ? समीरन दास यांनी अफगाणिस्तान, नेपाळ, बांगलादेश, पाकिस्तान, श्रीलंका या शेजारील देशांमधील पेट्रोलचे दर भारतापेक्षा किती कमी आहेत. याबाबतची माहिती शेअर केली आहे. दुसरीकडे कुमार साकेत चंद्रवंशी म्हणतात, की जागतिक भूक निर्देशांकात एकूण ११५ देशांच्या यादीत भारत १०१ क्रमांकावर त्यामुळे मोदींचे धन्यवाद! कुमार यांनी एक व्यंगचित्र आपल्या ट्विटर हँडलवरुन शेअर केले आहे. तसेच (PM Narendra Modi) ओम या हँडलवर एकाने विश्वगुरुचे रिपोर्ट कार्ड शेअर केले आहे. यात २०१४ व २०२१ या वर्षांमध्ये भूक, आनंद, लोकशाही, माध्यम स्वातंत्र आणि लिंगभाव निर्देशांकात भारताची कशी अधोगती सुरु आहे, हे सांगितले आहे. अनेकांनी १०० कोटींपेक्षा जास्त कोरोना लसीकरण झाल्याबद्दल मोदींना धन्यवाद म्हटले आहे.

- विनित गोएंका म्हणतात, की भारताने कोरोना लसीकरणाचा १०० कोटींचा आकडा पार केला आहे. त्यामुळे धन्यवाद मोदींजी!

- मक्या या टि्वट हँडलवर चौकीदार किंवा चहावाल्याने कोरोना लसीकरणासाठी अनुदान दिले नव्हते, असे म्हटले. आयटी सेलकडून मोदींना क्रेडिट देण्याचे उद्योग सुरु असल्याची टीका केली आहे.

- प्रभाकर यांनी आशा आहे की तुमच्या बँक खात्यात १५ लाख जमा झाले असेल. त्यामुळे #Thankyoumodiji !!