बंगळुरू : कर्नाटक काँग्रेसचे विरोधी पक्षनेते बीके हरिप्रसाद यांनी आरोप केला की भाजपच्या एका वरिष्ठ नेत्याने मुख्यमंत्रीपदासाठी 2,500 कोटी रुपये किंमत मोजावी लागते. मुख्यमंत्रीपदासाठी इच्छुक असलेल्या व्यक्तीसाठी ही मोठी रक्कम असल्याचे ते म्हणाले.

बसवराज बोम्मई यांची मुख्यमंत्रिपदावरून हकालपट्टी होणार असल्याची चर्चा गेल्या महिनाभराहून रंगली आहे. मात्र मुख्यमंत्रिपद विक्रीसाठी असल्याचा आरोप एखाद्या नेत्याने करण्याची ही पहिलीच वेळ आहे.

भाजप हायकमांडकडून कर्नाटकमध्ये आश्चर्याचा धक्का देण्याची शक्यता व्यक्त करण्यात येत आहे. त्याचवेळी आठ महिन्यांवर होणाऱ्या निवडणुकीपूर्वी बसवराज बोम्मई यांची मुख्यमंत्रीपदावरून गच्छंती होणार नसल्याचं पक्षातील अनेक नेत्यांनी सांगितले आहे.

राज्य भाजपच्या नेत्यांचे म्हणणे आहे की, पक्ष समुदाय संतुलनासाठी हा निर्णय घेऊ शकतो, कारण लिंगायत समुदायातून येणारे माजी मुख्यमंत्री बीएस येडियुरप्पा यांना पक्षाने संसदीय समितीमध्ये समाविष्ट केले आहे. तर बोम्मई देखील लिंगायत समाजातील आहे. त्यामुळे त्यांची जागा वोक्कालिगा समाजाकडून घेतली जाऊ शकते.

लिंगायत पंथाला खूश ठेवण्याच्या मोहिमेत ७९ वर्षीय येडियुरप्पा मोलाची भूमिका बजावत आहेत. राज्याच्या लोकसंख्येच्या 18 टक्के लिंगायत असून भाजपची व्होट बँक म्हणून त्यांच्याकडे पाहिले जाते. तर वोक्कालिगाची लोकसंख्या अंदाजे १५ टक्के आहे.