जामनगर : दक्षिण अफ्रिकेत ( South Africa) आढळून आलेल्या कोरोनाच्या नव्या व्हेरिएंट ओमिक्रॉनने (Corona New Variant Omicron) आता सगळीकडे पाय पसरण्यास सुरुवात केली आहे. कर्नाटकात (Karnataka) ओमिक्रॉनचे दोन रूग्ण आढळून आल्यानंतर आता गुजरातमध्येदेखील (Gujrat) ओमिक्रॉन रूग्ण आढळून आला आहे, अशी माहिती गुजरातचे आरोग्य आयुक्त जय प्रकाश शिवहरे (Gujrat Health commissioner Jay prakash shivhare) यांनी दिली आहे. संक्रमित व्यक्ती झिम्बाब्वे (Zimbabwe ) येथून आली असून जामनगर (Jamnagar) येथे हा रूग्ण आढळून आला आहे.

राज्याच्या आरोग्य विभागाने दिलेल्या माहितीनुसार, बाधित व्यक्तीचे वय 72 वर्षे असून गुरुवारी त्याचा कोविड-19 अहवाल पॉझिटिव्ह (Covis 19 Test) आला आहे. त्यानंतर त्याचे नमुने जीनोम सिक्वेन्सिंगसाठी ( genome sequencing) पुण्याला पाठवण्यात आले होते. झिम्बाब्वे येथून परतलेला रुग्ण 28 नोव्हेंबर रोजी जामनगर येथे आला होता.

रुग्णाचे दोन नमुने एक जीबीआरसी आणि दुसरे एनआयव्ही पुणे (NIV Pune) येथे पाठविण्यात आले. एनआयव्हीकडून संपूर्ण जीनोम सिक्वेन्सिंग अहवालाची प्रतीक्षा आहे. तसेच ही व्यक्ती झिम्बाब्वेची नागरिक आहे तर त्याची पत्नी जामनगरची आहे.