उत्तर काश्‍मीरमधील (North Kashmir) कुपवाडा (Kupwara) जिल्ह्यात भारतीय जनता पक्षाच्या (BJP) नेत्याच्या सुरक्षेसाठी तैनात असलेला एक विशेष पोलिस अधिकारी (Special Police Officer - SPO) शस्त्रांसह (Weapons) बेपत्ता झाला आहे. अधिकृत सूत्रांनी सोमवारी ही माहिती दिली. ते म्हणाले की, काल (रविवारी) रात्री उशिरा बोहिपोरा (Bohipora) येथील रहिवासी एसपीओ साकिब तांत्रे (Saqib Tantre) जे स्थानिक भाजप नेते रशीद जरगर (Rashid Zargar) यांचे वैयक्तिक सुरक्षा अधिकारी (पीएसओ) म्हणून नियुक्त होते ते त्यांच्या घरातून दोन शस्त्रांसह बेपत्ता (Missing) झाले आहेत. (The SPO deployed for the security of the BJP leader in Kupwara went missing with weapons)

सूत्रांनी सांगितले की, बेपत्ता एसपीओ सोबत त्याचा आणखी एक सहकारी, जो बोहिपोरा येथील रहिवासी आहे, तो देखील फरार आहे. या दोघांचा शोध घेण्यासाठी परिसरात अलर्ट (Alert) जारी करण्यात आला आहे.

काही स्थानिक मीडिया रिपोर्टसनुसार, साकिब आणि त्याचा सहकारी 12 आणि 13 डिसेंबरच्या मध्यरात्री बेपत्ता झाला. दरम्यान, साकिबच्या कुटुंबीयांनीही त्याचा शोध घेण्याचा प्रयत्न सुरू असल्याचे सांगितले.

या प्रकरणाची पुष्टी करताना एका वरिष्ठ पोलिस अधिकाऱ्याने सांगितले की, या प्रकरणाचा तपास सुरू करण्यात आला असून, लवकरच अधिक माहिती दिली जाईल.