दरभंगा (बिहार) : घर पाडल्याप्रकरणी आंदोलन करणाऱ्या एकाच कुटुंबातील तीन जणांना जिवंत जाळण्यात आल्याचा धक्कादायक प्रकार बिहारमधील दरभंगा (Bihar crime news) शहरात घडला आहे. याप्रकरणी मुख्य आरोपीसह दोन जणांना पोलिसांनी ताब्यात घेतलं आहे. एएनआयनं याबाबत वृत्त दिलं आहे. (three members of a family who were protesting against house demolition were burnt alive)

स्थानिक पोलिसांच्या माहितीनुसार, शुक्रवारी बिहारमधील दरभंगा शहरात हा धक्कादायक प्रकार घडला आहे. एका कुटुंबाचं घर उद्ध्वस्त करण्यात आल्यानं त्यांनी निषेध आंदोलन पुकारलं होतं. या रागातून गावातील काही गुंड प्रवृत्तीच्या लोकांनी या कुटुंबातील तीन जणांना जिवंत जाळलं. याप्रकरणी शुक्रवारी रात्री मुख्य आरोपीसह दोघांना पोलिसांनी अटक केली. यामुळं एकूण ९ आरोपींना पोलिसांनी आत्तापर्यंत ताब्यात घेतलं आहे. दरभंगाचे पोलीस अधीक्षक ए. के. प्रसाद यांनी ही माहिती दिली.