सोशल मीडियावर (social media) दररोज असंख्य गोष्टी व्हायरल होत असतात. यात काही फोटो किंवा व्हिडीओ पाहिल्यावर आपल्या चेहऱ्यावर हसू उमलतं. तर काही, गोष्टी मनाला चटका लावून जातात. सध्या सोशल नेटवर्किंगवर असाच मन हेलावणारा व्हिडीओ व्हायरल झाला आहे. या व्हिडीओमध्ये उपासमारीमुळे एका वाघाचा मृत्यू होतांना दिसत आहे. विशेष म्हणजे हा वाघ शेवटची घटका मोजत असतांना काही वनाधिकाऱ्यांनी त्याला पाणी पाजलं. मात्र, त्याच्यात पाणी पिण्याइतपही ताकद नसल्याचं दिसून येत आहे. हा व्हिडीओ पाहिल्यानंतर अनेकांच्या डोळ्याच्या कडा पाणावल्या आहेत. (tiger-was-dying-and-forest-ranger-gave-him-water-and-food-for-last-time)

सोशल मीडियावर व्हायरल होत असलेला व्हिडीओ आयएफएस ऑफिसर परवीन यांनी ट्विटरवर शेअर केला आहे. या व्हिडीओमध्ये सुंदरबन टायगर रिजर्समधील ११ वर्षीय वाघाचा मृत्यू झाल्याचं पाहायला मिळत आहे. हा वाघ मृतावस्थेत असतांना काही वनाधिकाऱ्यांनी त्याला पाणी व अन्न दिलं. मात्र, शरीरात ताकद नसल्यामुळे त्याला कोणत्याच पदार्थाचं सेवन करता येत नव्हतं.