तृणमूल काँग्रेसचे (TMC) खासदार डेरेक ओब्रायन यांना संसदेच्या हिवाळी अधिवेशनाच्या उर्वरित कामकाजातून निलंबित करण्यात आले आहे. ओब्रायन यांच्यावर सभागृहाच्या कामकाजात अडथळा आणल्याचा आरोप आहे, त्यामुळे त्यांना राज्यसभेतून निलंबित करण्यात आले.(Latest Marathi News)

काल (बुधवारी) दुपारी लोकसभेतील सुरक्षेतील गोंधळानंतर आज (गुरुवारी 14 डिसेंबर) संसद पुन्हा एकदा सुरू झाली. यादरम्यान ओब्रायन यांनी राज्यसभेच्या कामकाजात व्यत्यय आणण्यास सुरुवात केली, त्यानंतर त्यांना सभागृहातून बाहेर जाण्यास सांगण्यात आले. (Marathi Tajya Batmya)

डेरेक ओब्रायन यांनी संसदेच्या सुरक्षेतील त्रुटींवर चर्चेची मागणी केली होती. मात्र यावर राज्यसभेचे सभापती जगदीप धनखड यांनी टीएमसी खासदाराचे नाव घेत त्यांना तातडीने सभागृह सोडण्याचे आदेश दिले.(Latest Marathi News)

धनखड म्हणाले, 'डेरेक ओब्रायनला तात्काळ सभागृह सोडण्यास सांगितले आहे. अध्यक्षांची अवज्ञा करणार असल्याचे त्यांचे म्हणणे आहे. डेरेक ओब्रायन म्हणतात की, ते नियमांचा आदर करणार नाही. हा अत्यंत गंभीर आहे. ही लज्जास्पद घटना आहे. खासदारांची ही वागणूक चांगली नसल्याचे सभापतींनी म्हटलं आहे. (Marathi Tajya Batmya)