नवी दिल्ली : राष्ट्रवादी काँग्रेसचे अध्यक्ष शरद पवार यांनी ‘काश्मीर फाईल्स’ या चित्रपटावरून पुन्हा एकदा सत्ताधारी भाजपला लक्ष्य केले आहे.

या चित्रपटाद्वारे काश्मिरी पंडितांच्या पलायनाबद्दल अपप्रचारातून विषारी वातावरण निर्माण केले जात आहे. या चित्रपटाच्या प्रदर्शनाला परवानगी द्यायला नको होती, अशी तोफ शरद पवार यांनी आज दिल्लीत डागली. राष्ट्रवादी काँग्रेसच्या दिल्ली प्रदेश शाखेतर्फे अल्पसंख्याक विभागाच्या संमेलनात बोलताना पवार यांनी सत्ताधारी भाजपवर कडाडून टीका केली. संसद अधिवेशनाच्या काळात विरोधी पक्षांच्या एकत्र येण्याची चर्चा सुरू असताना पवार यांनी सलग दोन दिवसांच्या अंतराने मोदी सरकारविरुद्ध घेतलेला आक्रमक पवित्रा लक्षवेधी मानला जात आहे.

भाजपवर टीका

नेहरू यांना वादात खेचल्याबद्दलही शरद पवारांनी भाजपला लक्ष्य केले. काश्मिरी पंडितांचे पलायन पंतप्रधान विश्वनाथ प्रताप सिंग यांच्या कार्यकाळात झाले होते आणि त्यांच्या सरकारला भाजपचा पाठिंबा होता, तर, भाजपतर्फे निवडणूक लढविलेले जगमोहन हे काश्मीरमध्ये राज्यपाल होते याकडे पवार यांनी लक्ष वेधले. प देशाला वेगळ्या वाटेवर घेऊन जात असून देशातील एकता बंधुभाव नष्ट करत आहे. असा आरोपही पवार यांनी केला.