तिरूवअनंतपुरम : केरळ येथील कोझिकोड येथे देशातील पहिल्या तृतीयपंथी जोडप्याला बाळ होणार आहे. विशेष म्हणजे या जोडप्यातील ट्रान्सपुरूष गरोदर असून जहाद पावल असं त्याचं नाव आहे. यासंबंधीचे फोटो त्यांनी सोशल मीडियावर शेअर केले आहेत.

हेही वाचा - 'पठाण'..आणि २०२३ मधले बाॅलीवूड..कसे असतील दिवस

अधिक माहितीनुसार, ट्रान्स पुरूष जहाद पावल आणि ट्रान्सवुमन झिया हे मागच्या तीन वर्षापासून एकत्र राहतात. तर त्यातील जहाद आता गरोदर असून तो गरोदर होणारा भारतातील पहिला ट्रान्स पुरूष आहे असं त्याची सहकारी झिया यांनी सांगितलं. तर बाळासाठी जहादची स्त्रीपासून पुरुषात बदलण्याची प्रक्रिया काही दिवस रखडली होती.

दरम्यान, सध्या या जोडप्याची सोशल मीडियावर चांगलीच चर्चा सुरू झाली आहे. तर अनेक युजर्सने या जोडप्याला शुभेच्छा दिल्या आहेत.