कोलकता : विविध कल्याणकारी योजनांची आश्वासने देताच ‘इंडिया’ आघाडी सत्तेमध्ये आल्यास नागरिकत्व सुधारणा कायदा (सीएए) रद्द करण्याची घोषणा आज तृणमूल काँग्रेसने प्रसिद्ध केलेल्या जाहीरनाम्यातून दिली आहे.

पक्षाचे राज्यसभेतील नेते डेरेक ओब्रायन यांच्या उपस्थितीमध्ये पक्षाच्या मुख्यालयामध्ये या जाहीरनाम्याचे प्रकाशन करण्यात आले. इंधनाच्या किमती नियंत्रित ठेवण्याबरोबरच नागरिकत्व सुधारणा कायदा (सीएए) आणि राष्ट्रीय नागरिक नोंदणी पुस्तिका (एनआरसी) रद्द करण्याची घोषणा पक्षाने केली असल्याचे ज्येष्ठ नेते अमित मित्रा यांनी सांगितले. घरोघरी रेशन देण्याबरोबरच दारिद्र्यरेषेखालील कुटुंबांना १० मोफत सिलिंडर देण्याची घोषणा करण्यात आली आहे.

६ भाषांमध्ये जाहीरनामा प्रसिद्ध

४ क्रमांकाचा लोकसभेतील मोठा पक्ष

३ पक्ष प. बंगालमध्ये निवडणूक मैदानात

या भाषांत प्रकाशित

संथाळी, नेपाळी, हिंदी, इंग्रजी, बंगाली आणि उर्दू

५.५ टक्के प. बंगालमधील एकूण आदिवासी

५१.८ टक्के आदिवासींमधील संथाळींचे प्रमाण

११,६१,८०७ नेपाळी भाषा बोलणारे