नवी दिल्ली : 'हिट अँड रन' प्रकरणाच्या कायद्यांमध्ये बदल करण्यात आल्यानं याला देशभरातील ट्रक ड्रायव्हर्सनं जोरदार विरोध दर्शवला आहे. यासाठी ड्रायव्हर्स संपावर गेले आहेत. पण हा कायदा जाचक असल्यानं तो रद्द व्हावा अशी मागणी ट्रक मालक संघटनेनी केली आहे. सरकारनं ही मागणी गांभीर्यानं घ्यावी कृषी कायद्यांसारखं करु नये, असंही संघटनेचे चेअरमन मलकित सिंग यांनी पत्रकार परिषदेत ही माहिती दिली. (Truk Drivers Strike Govt should not do like agricultural laws till evening take decision says Truck Owners Association)

मलकित सिंग म्हणाले, आम्ही या संपाची दखल घेतली आहे. २७ तारखेला आम्ही सर्वांना या कायद्यातील कमतरता लक्षात आणून दिल्या आहेत. गृहमंत्री, पंतप्रधान, मंत्री, राज्यपाल यांना लिखित स्वरुपात आम्ही तक्रारी कळवल्या. आम्ही चालकांच्या सोबत आहोत. 'चालक है तो मालक है, मालक है तो चालक है' अशी घोषणाबाजीही यावेळी करण्यात आली.

जर गाडी पटरीवरून उतरली तर पुन्हा पटरीवर आणणं अवघड होईल, असं सांगताना पाणी आमच्या नाकाच्या वरून गेलं आहे, हे देशासाठी आणि आमच्यासाठी ठीक नाही असंही यावेळी सिंग यांनी म्हटलं आहे. उशीर करू नका, जेवढा उशीर कराल तेवढी परिस्थिती हाताबाहेर जाईल. आम्ही संयमाने काम करतो आहे. आगीत तेल ओतण्याची आमची भूमिका नाही. हा कायदा रद्द करावा लागेल, जर अजून काही दिवस हीच स्थिती कायम राहिली तर कठीण होईल.

जर ड्रायव्हर सोडून गेले तर त्यांना परत आणणं कठीण होईल. सरकारनं ताबडतोब याची दखल घ्यावी. सरकारने तातडीने कायदे रद्द करण्याची घोषणा केली. आम्हाला आशा आहे की, आज संध्याकाळपर्यंत यावर उपाय शोधला जाईल. सरकारने कृषी कायद्यासारखे करू नये, जास्त वेळ वाया घालवू नका, असंही यावेळी मलकित सिंग म्हणाले.