Turkey Earthquake : काही दिवसांपूर्वी बसलेल्या भीषण भुकंपाच्या धक्क्यांनी तुर्की आणि सीरिया पूर्णपणे उद्ध्वस्त झाले आहे.

हेही वाचा : ..ही काळजी घ्या नाहीतर खिसा होईल साफ!

आतापर्तंय या घचनेत जवळपास ५0 हजाराहून अधिक नागरिकांचा मृत्यू झाला आहे. तर, हाजारो लोक जखमी झाले आहेत. तुर्कीतील भीषण भुकंपानंतर भारताने सर्वात प्रथम तुर्कस्तानला मदतीचा हात पुढे केला होता.

तुर्कीतील नागरिकांच्या मदतीसाठी भारताकडून NDRF च्या तुकड्या पाठवण्यात आल्या होत्या. या सर्व तुकड्या आता पुन्हा भारतात परतल्या आहेत.

यानंतर पंतप्रधान मोदींनी 'ऑपरेशन दोस्त'मध्ये सहभागी जवानांशी संवाद साधला. जवानांनी सांगितलेले सर्व अनुभव ऐकून सर्व भारतीयांची छाती गर्वाने फुलून येईल.

आम्ही परतताना अनेकजण रडत होते

यावेळी जवानांनी सांगितले की, आम्ही ज्यावेळी सर्व कार्य करून मायदेशी परतत होतो त्यावेळी तुर्कीतील अनेक नागरिक रडत होते. तर काहींनी आमच्या कपाळावर चुंबन घेतले. तर अनेकजण सांगत होते की, तुर्कीतील भावी पिढी भारताचे हे योगदान कायम स्मरणात ठेवेल.

एका लष्करी अधिकाऱ्याने सांगितले की, मी या देशाचा तरुण आहे आणि तुमच्या देशाने आमच्या देशासाठी जे केले ते येणाऱ्या पिढ्या लक्षात ठेवतील याची मी खात्री देतो.

बचाव दलातील एका एनडीआरएफच्या महिला जवानाने सांगितले की, एक महिला म्हणाली की, अल्लाह माझ्यासाठी प्रथम स्थानावर आहे तर, तुमच्या मदतीनंतर तुम्ही दुसऱ्यास्थानी आहात.

दरम्यान, ऑपरेशन दोस्त भारताचे मानवतेसाठीचे समर्पण आणि संकटात सापडलेल्या देशांना मदत करण्यासाठी त्वरित उभे राहण्याची वचनबद्धता दर्शवते असे मत मोदींनी कार्यक्रमाच्या शेवटी व्यक्त केले.