रायपूर : छत्तीसगडच्या दंतेवाडा जिल्ह्यात पोलिसांसमवेत चकमकीत दोन नक्षलवादी मारले गेले. ही चकमक आज सकाळी मुंगा गावाजवळील जंगलात घडली.

रायपूरपासून सुमारे 400 किलोमीटर अंतरावरील मुंगा गावाच्या जंगलात आज सकाळी जिल्हा राखीव दलाची गस्त सुरू होती. त्या वेळी जंगलात लपलेल्या नक्षलवाद्यांनी अचानक गोळीबार केला. तेव्हा गस्तीपथकाने जोरदार प्रत्युत्तर दिले.

दोन्ही बाजूंनी बराच वेळ गोळीबार सुरू होता. ही चकमक थांबल्यानंतर पोलिसांनी घटनास्थळाची पाहणी केली असता दोघांचे मृतदेह आढळून आले. या ठिकाणी काही स्फोटकेही आढळून आली आहेत.