नवी दिल्ली : अफगाणिस्तानातून आज भारतात परतलेल्या १४६ लोकांपैकी दोघे जण कोरोना पॉझिटिव्ह असल्याचं समोर आलं आहे. दिल्ली सरकारमधील नोडल ऑफिसर राजिंदर कुमार यांनी ही माहिती दिली. अफगाणिस्तानातून दिल्ली विमानतळावर परतलेल्यांची कोरोना चाचण्या करण्याची जबाबदारी त्यांच्यावर सोपवण्यात आली आहे.
परदेशातून भारतात दाखल होणाऱ्या व्यक्तींसाठी सध्या जी कोविड नियमावली लागू आहे त्यानुसार कोरोना पॉझिटिव्ह आढळलेल्या त्या दोघांना आयसोलेशनमध्ये ठेवण्यात आलं आहे. यानंतर १४ दिवसांचा कालावधी पूर्ण झाल्यानंतर आणि चाचणी निगेटिव्ह आल्यानंतर त्यांना डिस्चार्ज दिला जाईल. या पॉझिटिव्ह रुग्णांची ओळख अद्याप समोर आलेली नाही.
अफगाणिस्तानातून कतारची राजधानी दोहा मार्गे आज १४६ भारतीयांना बाहेर काढण्यात आलं. त्याचं सोमवारी सकाळी राजधानी दिल्लीत आगमन झालं.
काबूल विमानतळावरुन दररोज दोन विमानोड्डाणांना परवानगी
अफगाणिस्तानात अडकलेल्या भारतीयांना बाहेर काढण्यासाठी काबूल विमानतळावरुन दररोज दोन विमानोड्डानं करण्यास नाटोनं भारताला परवानगी दिली आहे. गेल्या आठवड्यात इथल्या परिस्थितीचा आढावा घेताना पतंप्रधान नरेंद्र मोदी यांनी उच्चस्तरीय बैठकीचं आयोजन केलं होतं. यामध्ये अफगाणिस्तानातील युद्धजन्य भागातून भारतीयांना प्राधान्यानं बाहेर काढण्याच्या सूचना देण्यात आल्या होत्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.