नवी दिल्ली : हॉलिवूडपटातील स्पायडरमॅन हे पात्र तरुणांमध्ये खूपच लोकप्रिय आहे. या स्पायडरमॅनसारखा बाईकवरुन स्टंट करणं एका बंटी-बबलीला चांगलंच महागात पडलं आहे. दिल्लीच्या रस्त्यांवरुन हे दोघेजण रील करण्यासाठी स्टंटबाजी करताना आढळून आले. पण पोलिसांनी त्यांना ताब्यात घेतलं आहे. (Two persons including a woman were arrested who was doing stunts in costume of Spiderman at Delhi)

एएनआयच्या माहितीनुसार, स्पायडरमॅनचे कपडे घालून स्टंटबाजी करणाऱ्या एका तरुण आणि तरुणीचा व्हिडिओ सोशल मीडियात व्हायरल झाला होता. याची गांभीर्यानं दखल घेत नजरफगड पोलिसांनी त्यांना मोटर व्हेईकल अॅक्टअंतर्गत अटक केली आहे. (Marathi Tajya Batmya)

दरम्यान, हे दोघेही स्पायडरमॅन वेशात दिल्लीच्या रस्त्यांवर स्टंट करताना हेल्मेट वापरत नव्हते, त्यांच्या बाईकला नंबर प्लेट नाही तसंच आरसे नाहीत या दोघांकडं वाहन चालवण्याचा परवानाही नव्हता, त्यामुळं पोलिसांनी त्यांना तात्काळ ताब्यात घेतलं आहे. (Latest Marathi News)