नवी दिल्ली : स्वातंत्र्य आपल्याला सहजासहजी मिळालेले नाही. यासाठी मोठा संघर्ष करावा लागला. इंग्रजांविरुद्ध लढावं लागलं. अनेक सैनिकांनी आपल्या जिवाजी बाजी लावली. अशा ज्ञात-अज्ञात क्रांतिकारांच्या आठवणी जपणे आपले कर्तव्य आहे, असे मुख्यमंत्री उद्धव ठाकरे (Uddhav Thackeray) म्हणाले. (Uddhav Thackeray said that we had to fight for independence)

दिल्लीतील क्रांतिकारी गॅलरीचे उद्धाटन पंतप्रधान नरेंद्र मोदी (Narendra Modi) यांच्या हस्ते झाले. यावेळी संबोधित करताना उद्धव ठाकरे बोलत होते. क्रांतिकारी गॅलरीचे पंतप्रधानांच्या हस्ते उद्घाटन होणे हा चांगला मुहूर्त आहे, असेही मुख्यमंत्री (Uddhav Thackeray) म्हणाले.

क्रांतिकारी गॅलरीमुळे समोरच्या पिढीला सैनिकांची माहिती होईल. गॅलरी काढून काहीही होणार नाही. इतिहासाचे जतन करणे हे आपले काम आहे. कारण, या स्वातंत्र्यासाठी मोठा संघर्ष करावा लागला आहे. यासाठी लढा द्यावा लागला. अशा सैनिकांप्रति कृतज्ञता व्यक्त करण्यासाठी आपणही काहीतरी केले पाहिजे, असेही मुख्यमंत्री उद्धव ठाकरे (Uddhav Thackeray) म्हणाले.