G20 परिषदेच्या निमीत्ताने अनेक देशाचे पंतप्रधान राजधानी दिल्लीमध्ये आले आहेत. अशातच ब्रिटनचे पंतप्रधान ऋषी सुनक आज (रविवारी) सकाळी पाऊस सुरू असताना पत्नी अक्षता मूर्तीसोबत अक्षरधाम मंदिरात पोहोचले. येथे त्यांनी सर्व विधींसह भगवान स्वामी नारायणाचे दर्शन घेतले.

पावसात पीएम सुनक पत्नीसह मंदिरात पोहोचले होते. G20 परिषदेत सहभागी होण्यासाठी भारतात पोहोचल्यावर पंतप्रधान सुनक म्हणाले की, मला हिंदू असल्याचा अभिमान आहे. यावेळी मंदिराबाहेर मोठा बंदोबस्त ठेवण्यात आला आहे.

ब्रिटनचे पंतप्रधान ऋषी सुनक आपली पत्नी अक्षता मूर्तीसोबत भारतात आले आहेत. ते त्यांच्या पत्नीसह राष्ट्रपती द्रौपदी मुर्मू यांनी आयोजित केलेल्या डिनरला देखील उपस्थित होते, यावेळी त्याचे स्वागत पंतप्रधान नरेंद्र मोदी आणि राष्ट्रपतींनी स्वागत केले.

जी -20 परिषदेचा दुसरा दिवस

नवी दिल्ली येथे सुरु असलेल्या जी-20 परिषदेचा आजचा दुसरा दिवस आहे. पंतप्रधान मोदी आज 9 देशांच्या प्रमुखांची भेट घेणार आहेत. तर फ्रान्सचे राष्ट्राध्यक्ष इमॅन्युएल मॅक्रॉन यांच्यासोबत ते द्विपक्षीय बैठक घेणार आहेत.