नवी दिल्ली - सध्या सोशल मीडियावर एक व्हिडिओ व्हायरल होत असून त्यात एक शिक्षक विद्यार्थ्यी हातातला पेन सोडून एके 47 घेतील असं सांगत असल्याचं दिसत आहे. अनअकॅडमी या कोचिंग सेंटरमधील शिक्षक वरुण अवस्थी यांचा हा व्हिडिओ आहे. व्हिडिओ व्हायरल झाल्यानंतर अवस्थी यांनी तो फेसबुकवरून हटवला. मात्र अनेक ठिकाणी तो आधीच व्हायरल झाला होता. यामध्ये विद्यार्थ्यांना शस्त्रे हातात घेण्यासाठी भडकावण्याचा प्रयत्न शिक्षक करत असल्याचं दिसतं.
वरुण अवस्थी यांचा हा व्हिडिओ एसएससी रेल्वे परीक्षेच्या निकालात होत असलेल्या दिरंगाईबाबत तयार करण्यात आला होता. ज्यावेळी हा व्हिडिओ टॅगद्वारे शोधण्याचा प्रयत्न केला गेला तेव्हा धक्कादायक माहिती समोर आली. हा व्हिडिओ अनेक कोचिंग सेंटरच्या शिक्षकांनी शेअर केला होता. दरम्यान, अनअकॅडमीने याबाबत स्पष्टीकरण दिलं आहे.
अनअकॅडमीने काही ट्विट करून उत्तरे दिली आहेत. त्यांनी म्हटलं की, कंपनी शिक्षकांकडून होणाऱ्या अशा कृत्यांचे कोणत्याही प्रकारे समर्थन करत नाही. या प्रकरणाी चौकशी करण्यात येत असून योग्य ती कारवाई करण्यात येईल.
याआधीही अनअकॅडमीच्या शिक्षकाने विशिष्ट जातीला टार्गेट करत पोस्ट केली होती. शिक्षकांकडून तयार करण्यात आलेल्या अशा व्हिडिओंची गोष्ट एवढ्यापुरतीच मर्यादीत नाही.
राजस्थानी रिंगर, एज्युकेशन अफेअर्स यासारक्या कोचिंग सेंटरद्वारे असेच काही व्हिडिओ यापूर्वी व्हायरल झाले आहेत. विद्यार्थ्यांना शिक्षण, संस्कार कऱण्याऐवजी भलत्याच गोष्टी त्यांच्या डोक्यात भरवल्या जात असल्याचं निदर्शनास आलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.