Road Accident In UP Lakhimpur Kheri : उत्तर प्रदेशातील लखीमपूर खेरी जिल्ह्यात ट्रक आणि बसचा भीषण अपघात झाला आहे. या अपघातात आठ प्रवाशांचा मृत्यू झाला असून, अनेकजण जखमी असल्याचे सांगितले जात आहे. मृतांमध्ये महिलांची संख्या अधिक आहे. अपघातात जखमी झालेल्यांपैकी काहींची प्रकृति चिंताजनक असल्याने मृतांचा आकडा वाढण्याची भीती व्यक्त केली जात आहे.

याबाबत अधिक माहिती अशी की, उत्तर प्रदेशातील लखीमपूर खेरी जिल्ह्यातील पिलीभीत बस्ती महामार्गावरील शारदा पुलाजवळून बुधवारी सकाळी आठच्या सुमारास खासगी बस धौरहराहून लखीमपूरकडे निघाली होती. तर, ट्रक लखीमपूरहून बहराइचला जात होता. त्यावेळी अचानक ट्रक आणि बसची टक्कर झाली. ही टक्कर इतकी भीषण होती की, यामध्ये बसचा अक्षरक्षः चक्काचूर झाला. त्यात 8 जणांचा मृत्यू झाला तर, अनेक जण गंभीर जखमी झाले आहेत.

घटनेची माहिती मिळताच, घटनास्थळी पोलिसांनी धाव घेत मदत आणि बचावकार्य सुरू केले. तसेच जखमींना जवळीन रूग्णालात दाख केले. अपघातातील जखमींपैकी काहींची प्रकृती गंभीर असल्याचे सांगितले जात आहे. त्यामुळे मृतांचा आकडा वाढण्याची भिती व्यक्त केली जात आहे. हा अपघात नेमका कसा झाला याची कोणतीही माहिती समोर आलेली नाही.