आपल्या आजुबाजूला काहींना कोणती ना कोणती वाईट सवय ही असतेच. परंतु या वाईट सवयीमुळे आपल्या शरीराला त्याचा परिणाम होऊ शकतो, याचा विचार केला जात नाही. मग त्यावेळी एखाद्या सवयीपासून जर सुटका मिळवायची असेल तर काहीजण उपाय करु इच्छित असतात. असाच एक उपाय एका 14 वर्षीय मुलाने त्याची वाईट सवय सोडवण्यासाठी केला आहे. परंतु त्या मुलाचा हा उपाय सर्वांना थक्क करणारा ठरला आहे. उत्तर प्रदेशमधील या मुलाने चक्क लोखंडी खिळे आणि टूथब्रश खाल्याचे समोर आले आहे. ही घटना अतिशय धक्कादायक ठरली आहे.

उत्तर प्रदेशमधील या मुलाचे नाव हरिश देवी असे आहे. त्या मुलाला लहानपणापासून माती खाण्याची सवय. या मुलाची ही सवय कायम अशीच राहिली. या सवयीमुळे त्याच्या कुटुंबाने अनेक उपाय केले. शेवटी सगळ्या उपायांना कंटाळून त्या मुलाच्या कुटुंबाने एका मांत्रिकाकडे त्याला घेऊन गेले. त्यावेळी मांत्रिकाने या मुलाची माती खाण्याची ही वाईट सवय सोडण्यासाठी लोखंडी खिळे आणि टूथब्रश खाण्याचा सल्ला दिला. आणि त्या मुलाने मांत्रिकाने सांगितल्यामुळे ते खायला सुध्दा सुरुवात केली. हे खाण्याने मुलाच्या शरीरामध्ये त्याचे परिणाम जाणवायला सुरुवात झाली. एका रिपोर्टनुसार, हे खाल्ल्याने मुलाच्या पोटामध्ये प्रचंड त्रास होत होता. त्यामुळे त्याला रुग्णालयात दाखल करण्यात आले होते.

त्यावेळी त्या मुलाची डॉक्टरांनी तपासणी केली. तेव्हा त्याचा रिपोर्ट पाहिल्यावर डॉक्टर चक्रावून गेले. त्या मुलाच्या पोटामध्ये लोखंडी खिळे आणि टूथब्रश दिसत होते. हे पाहून डॉक्टरांनी लगेच त्या मुलाचे ऑपरेशन केलं. त्याच्या पोटामधून तब्बल 16 टूथब्रश आणि 3 इंच लांब लोखंडी खिळे काढले. त्या मुलाचे ऑपरेशन केल्यानंतर आता मुलाची स्थिती सधारत आहे, पुढील काही दिवसात त्या मुलाची तब्येत बरी होईल, असे डॉक्टरांनी सांगितले आहे.