प्रेमासाठी वाट्टेल ते असं म्हणतं प्रेमाखातर अनेक प्रेमयुग्गुल पळून गेल्याचं आपल्या ऐकिवात आहे. आपली आवडती व्यक्ती आयुष्याचा जोडीदार व्हावी अशी अनेकांची इच्छा असते. त्यामुळे त्या व्यक्तीला मिळवण्यासाठी अनेक जण वाट्टेल ते करायला तयार असतात. यात अनेकदा घरातल्यांच्या विरोधालाही सामोरं जावं लागतं. असाच एक प्रकार सध्या चर्चेत आला आहे. मात्र, या प्रकरणात कोणतेही तरुण मुलं पळून गेले नसून चक्क सासू आणि जावई पळून गेले आहेत. विशेष म्हणजे सासरे आणि मुलीचा विरोध पत्करुन या सासू- जावयाने लग्न केलं आहे. (uttar-pradesh-muzaffarnagar-mother-in-law-married-her-son-in-law)

मुजफ्फरनगर येथील भौराकला येथे हा प्रकार घडला आहे. ५० वर्षीय सासू आणि २५ वर्षाचा जावई यांनी पळून जाऊन लग्न केलं आहे. विशेष म्हणजे या महिलेने आपल्या मुलीच्या संसाराचा जराही विचार न करता थेट जावयासोबतच प्रेमसंबंध निर्माण केल्यामुळे सोशल मीडियावर त्यांची चर्चा रंगली आहे. सासू आणि जावयाने केलेल्या प्रकारामुळे त्यांनी पोलिसांनी ताब्यात घेतलं आहे.

भौराकला येथे राहणाऱ्या एका ५० वर्षीय महिलेच्या मुलीचं काही वर्षांपूर्वी लग्न झालं होतं. मात्र, ही महिला आपल्या जावयाच्याच प्रेमात पडली. इतकंच नाही तर हा जावईदेखील सासूच्या प्रेमात पडला. विशेष म्हणजे एक दिवस हे अचानक घरातून पळून गेले आणि १० महिन्यांनंतर परत आले. मात्र, यावेळी आम्ही कोर्ट मॅरेज केलं असून आता नवरा-बायको आहोत असा दावा त्यांनी केला.

दरम्यान, सासू आणि जावयाच्या या नात्यावर मुलीने आणि सासऱ्यांनी आक्षेप घेतला. त्यामुळे या चौघांमध्ये मोठ्या प्रमाणावर वाद झाले. परिणामी, त्यांच्या भांडणांचा त्रास होत असल्यामुळे शेजाऱ्यांनी पोलिसांना बोलावलं. त्यानंतर शांततेचा भंग केल्याप्रकरणी पोलिसांनी सासू व जावयाला ताब्यात घेतलं आहे.