आग्रा येथील शमशाबाद पोलीस ठाण्याच्या हद्दीतील एक मुलगा नाराज होवून घरातून कोणाला न सांगता निघून गेला होता. तो रस्ता चुकला आणि भटकत शमशाबाद पोलीस स्टेशन परिसरात गेला. तेथील स्थानिकांनी 12 वर्षीय शाहबाजला पोलिस ठाण्यात सोपवले. यानंतर पोलिसांनी त्या लहान मुलांची चौकशी केली असता. त्याला घरचा पत्ता सांगता येत नव्हता. त्यामुळं पोलिसांपुढे मोठा प्रश्न निर्माण झाला.
त्यानंतर पोलिसांना समजले की, शाहबाजचा मोठा भाऊ अरमान एक यूट्यूब चॅनल चालवतो आणि हे यूट्यूब चॅनल मुलाच्या कुटुंबीयांना भेटण्याचे माध्यम बनेल. पोलिसांनी लगेच ते यूट्यूब चॅनल शोधले. त्या यूट्यूब चॅनलवर एक मोबाईल नंबर सापडला आहे. पोलिसांनी नंबर डायल केला असता तो बंद होता. यानंतर पोलिसांनी शाहबाजच्या भावाच्या 2 दिवसांपूर्वी पोस्ट केलेल्या व्हिडिओवर कमेंट केली.
कमेंटमध्ये लिहिले, "अरमान, तुझा नंबर पाठव, मला तुझ्या भावा बद्दल बोलायचे आहे. कमेंट वाचून अरमानने त्याचा फोन नंबर दिला. त्यानंतर शमशाबाद पोलीस ठाण्यात तैनात असलेल्या कॉन्स्टेबलशी बोलणं झाल. पोलिसांनी अरमानला सांगितले की, त्याचा भाऊ शमशाबाद पोलीस ठाण्यात आहे.
तो रस्ता भटकत तो शमशाबादला पोहोचला आहे. माहिती मिळताच अरमानने कुटुंबासह शमशाबाद पोलीस ठाणे गाठले. पोलीसांनी शाहबाजला त्याच्या कुटुंबीयांच्या ताब्यात दिले. शाहबाजला भेटल्यानंतर कुटुंबीय खूप आनंदी झाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.